I grete yow wele, letyng yow wetyn þat I  am informyd for 
certyn þe Duc of Suffolk reysyth grete pepyl bothe in Norffolk 
and Suffolk to comyn doune wyth hym to putte vs to a rebeuc and 
þei may; querfor I wold in ony wyse þat &yogh;e make 
yow as strong as &yogh;e can wyth-inne [þe] place, for I and 
other moo suppose that &yogh;yff they fynd &yogh;ow not here they 
wyl seke &yogh;ow þere &yogh;e arn. I wold John Paston 
þe &yogh;onger schuld ryde a&yogh;yn to my lady of Norffolk 
and be wyth hyr stylle tyl we haff other tydyngys, and þer may he 
do sum good, after þat he heryth tydyngys, in goyng forth to hys 
fadyr or in-to sum other place quere we may hafe remedy. For yt [ys] 
told me þat þere ar come to Cossey omward more than ij 
hundred, and þer ys comyng, as yt ys seyd, more than a 
thowsand. I wold þat &yogh;e sende hyder lytyl John, that I 
mygth sende hym abowte on myn errandys. Sende me worde how that 
&yogh;e doo by summe of the tenantys þat be not knowyn. 
Item, byd Richard Calle send me word in a bylle of how many 
materys that he hath sent myn husbond an answere of, þe quych 
he sendt hom in diuers letters for to be sped here; and of þe 
fermours of Tychwelle. Item, &yogh;yf Ser Iamys Gloys may 
come to Norwych to Adam Talyurs hows I wold he come on Munday by 
tymys and I schal sende to hym thyder. God kepe yow alle. Wretyn in 
hast on Satyrday. By your modyr Item, yt ys told me þat 
&yogh;ong Heydon reysyth mych pepyl in þe sokyn and in othe[r] 
place. Item, I wold &yogh;e schuld do Richard Calle hye hym of 
makeng of alle the acountys, and &yogh;yf nede lete hym gete help; and 
kepe Thomas Hunworth stille wyth yow, and be war of pykyng.